Ka yung krehkaam u District Handloom Officer, West Jaiñtia Hills District hapoh ka Department of Textile, Directorate of Sericulture and Weaving ka sorkar Meghalaya ynne ka sngi da lehkmen ko ya ka National Handloom Day ha Mukhap CFC cum Production Centre, West Jaiñtia Hills.
Ya kani ka lehkmen da wan wow embynta da u MLA ka thaaiñ, u Nujorki Sungoh kam u kongsan katwa u Deputy Commissioner, u B.S. Sohliya da man u kam u symbood kongsan.
Ya kani ka yalang da wai da ki kyntien pdiang burom na u District Handloom Officer, u R. Tariang.
Neiliang u Nujorki Sungoh hawa e yei klam da ong u wa hap hi wow bood yei stat ki ri wa em cha sep sngi hei pynwan dur ya ki mar ki mata wa kiwi de kiwa ye leh wow yah ya i wow nang ku i wei wow nang roi i, tangwa heijooh i por ymtoh wow mylliñ ya ka dustur riti yong i wei kamjooh i tre i thied kiwa da tipmit ka pyrthai ya i iwa daw yarap leh ya i wow poi cha ki kyndit loom wym jooh em poi i.
Da klam u leh chaphang ki kaam wa da pynkreh ka sorkar yow pynneh pynsah ya ka dustur riti kam ki that ki nep hapoh ka District yow e laad leh wow khih yoh kreh ki khynroo khyllood.
Neiliang ka Deputy Director (Weaving), ka M.R. Lewait da khana ko yei thong wa da lehkmen ya kani ka sngi, ka National Handloom Day ha man ka 7 tarik u Naisaphra yow leh burom ya kiwa thaiñ that.
Kiwi de kiwa klam toh u Deputy Commissioner, u BDO ka Laskein C&RD, u BS Niang wa u MDC ka thaaiñ, u W.G. Sungoh.
Hadien ini da pynkup burom leh ya kiwa thaiñ that.
Discussion about this post