Ka Synjuk Waheh Shnong East Jaiñtia Hills District (SWSEJHD) hei yahkmat u Hambertus Nongtdu kam u President wa u Jesper Bareh kam u General Secretary ryngkat ki Dkhot ka Eexecutive Committee, ynne ka 8 tarik da yachem ki ya u Executive Engineer ka Meghalaya Energy Power Distribution Cooperation Limited (MePDCL) ha Khliehriat.
Ini i yachem toh wow yaklam hajrong ka phang wa da ku ware ka bai bordiñ hapoh yong ka District kawa da ktah joor bha ya ki paidbah wa chong chnong khamtam ya ki manyung wa dooh wa rangli hawa ka bordiñ leh toh ym em biang u yoh ha kam kini ki por ly’ur tangwa ka bai bordiñ won dang heh ko neipor cheipor kamwa da ujor na ki paidbah.
Chooh chooh ka synjuk da dawa ko leh ya u EE ka MePDCL Khliehriat wow phah kylliang ya waroh ki chrot bordiñ kiwa da baam sarah hapoh ka District heiwa da boon kiwa da jan tkut kiwa da booh hei maa ya ki paidbah.
Kamtæ neiliang u EE da kular u hakhmat ka synjuk wow chimkhia ya kini ki mat dawa kiwa ktah ya ki paidbah khamtam heiyatoh wa ki chrot bordiñ yow phah leh yeiwa emkaam.
Discussion about this post