Ka yung krehkaam u Deputy Commissioner, West Jaiñtia Hills District deiwa ya krehlang waka yung krehkaam u District Sports Officer, West Jaiñtia Hills District, Jowai daw pynman ki ya ka Independence Day Run 2023 neibynta ki chynrang wa ki kynthai khlem da booh rta namo ka Open Category.
Ya kani ka yaphet pyllah daw sdang na Main Gate Kiang Nangbah Stadium wei daw lai na Ladthadlaboh Main Road-Jowai Public School-Gate Polytechnic-Kchaaid Rymphum-Salaroh-Dulong Poh Hali Road-Dulong-Pamhadem-Panaliar (MCH Hospital)-Iongpiah-Mission Compound-H.K. Singh School-DC Office-New Hill-Ladthadlaboh Main Road wei daw pynkut ha Kiang Nangbah Indoor Stadium.
Kani ka Independence Day Run toh kawa daw pynman ha kani ka 15-08-23 heipor 6:00 waje i step wei kiwa chimbynta ye ki wow wan bait ha Kiang Nangbah Indoor Stadium, Jowai yow e pyrtuid ha katai ka sngi heipor 5:30 i step thij.
Neiliang ka yung krehkaam u District Sports Officer, West Jaiñtia Hills District, Jowai da pyntip u wa kani toh du ya kiwa chong chnong ka West Jaintia Hills District donhi kiwa daw ye u chimbynta wei ya kiwa jop daw yoh ki ya ka song poisa wa ki tiar sahkynmoo.
I pyntip na u K. Passah, District Sports Officer, West Jaiñtia Hills District, Jowai.
Discussion about this post