7 snem phah kset ka yung bichaar ya uwa rahbor wei slaitbor ya ka khynnah wa dang 14 snem

Heiyatoh wa iwa da jia ya kawi ka khynnah kawa dang 14 snem ha ka 14-03-17 heiwa da yoh ujor ki pulit ka Tura Women Police Station ha ka 18-03-17 na u pa kani ka khynnah wa kani ka khon u da wiar ko nadooh 10:30 i step katai ka 14 tarik heipor wa lai ko cha Chibinang da kawi ka kari kamai Tempo.

Hadien da chem wa uni uwa yah ya kani ka Tempo toh uwa tip kam u Md. Anishur Rahman uwa khut siñ kam u Rahul uwa em leh ya kawi ka dukan Furniture ha yaaw Chibinang kawa dang haap hapoh ka Phulbari Police Station, West Garo Hills.

Uni u bru da rahbor u ya kani ka khynnah wei da kset u ka ha iwi i thaw.

Ya ini wa jia da takit da ka UB/WPSI Renu D. Momin wei da pynngat ya uwa chah pynbaad hapoh ka Section 366A/368 ka IPC deilang waka Section 3(a)/4 ka aiñ POCSO Act wei kini ki kyndon toh kiwa yatoh wei rahbor wa i slaitbor ya ka khynnah.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Ya ka Charge Sheet da e ha ka 31-01-18 wei hadien wa da pyndep yei bichaar da ka yung bichaar u Special Judge, POCSO, West Garo Hills, da rai pynrem ya u Md. Anishur Rahman hapoh ka kyndon Section 3(a)/4 ka aiñ POCSO.

Kamtæ da pynmih hukum yow phah kset ya uni u bru ym duna ya 7 snem, ka kuna wa T. 5000 wei lada ym su u ya kani daw kset ya oo sa le bnai.

I pyntip na u SP ka West Garo Hills District.