Ka 2nd Division 2023 ka East Jaiñtia Hills District Football Association (EJHDFA) kawa da sdang nadooh ka 1 tarik uni u bnai, da em 16 tylli ki liang wa da wan chibynta kiwa da yabhah ha soo tylli ki dhab kitæ Pool A hadooh Pool D.
Ynne ki yalehke da pynman le tylli heiwa ha ka yalehke wa nyngkong, ka Diengshynrum SC da kop ko yaka Kairang SC da 0-4.
Ya kini ki kool da thap da u Khreh Lyngdoh haka minit wa 14, u Rumi Lyngdoh haka minit wa 23 wa 32 wa u Enric Sympli haka minit wa 76.
Ka yalehke wa ar hapyrdi ka Iongkaluh SCSC waka Iongkaluh Wahsder da kut ko da 0-0.
Ha ka yalehke wa le, ka Sutnga Mission SSCC da jop ko yaka Umlyngsha Youth SSC da 1-0 da ki kool wa thap u Great Star Pajuh haka minit wa 56.
Ki yalehke wa bood daw pynman ha ka 16 tarik da ka Deinshalalu SC waka Iapmala UTD DC heipor 10:00 waje i step, ka Ladrymbai Dongwah SCSC waka Tongseng Youth SC heipor 12:00 waje pyrdi sngi wei daw pynkut da ka Lakadong Umlatdoh SC waka Pamrakmai SC heipor 2:00 waje i sngi.
Discussion about this post