U Deputy Commissioner ka East Jaiñtia Hills District da pyntip u wa ka National Means Cum-Merit Scholarship Scheme (NMMSS) Examination 2023-2024 daw pynman da ka Directorate of Educational Research and Training (DERT), Meghalaya, Shillong ha ka 04-11-23.
Kiwa kwah wow yaleh yow yoh ya kani ka Scheme toh u man ki kiwa dang puræ Class 8 (Academic Session 2023-2024) hapoh ki skur sorkar, ki skur wa yoh yarap na ka sorkar wa ki skur wa pynlai da ka chnong kiwa man kam kiwa ye u yaleh yow yoh ya kani ka Scheme.
Ki khynnah wa yaleh toh u yoh ki ym duna ya 55% (50% neibynta ka SC/ST) ki Marks heipor wa pyndep ki ya ka Class 7 Final Exam. Ki khynnah wa puræ ha ki Kendriya Vidyalaya, Jawahar Navodaya wa ki Residential School wa pynlai da ka sorkar pyrdi waka sorkar jylla wa ki skur ki bru samen ym ye ki wow yaleh ya kani ka Scholarship wa da e hapoh kani ka Scheme wei ka kamai ki bei ki pa ha ka chi snem ymtoh u palat ko T. 3,50,000.
Kani ka Exam toh kawa da yabhah ar tylli, kitæ ka Mental Ability Test (MAT) waka Scholastic Aptitude Test (SAT) wa kynthup ya ka Science, Social Science wa Mathematics. Ha waroh ar tylli kini ki Test daw em 90 tylli ki 90 Multiple-Choice Questions kiwa mar 90 Marks. Ym em leh ka Negative Marking lada bakla u jubab wei kiwa pyndep ya kani ka SAT wa MAT hadien wa kheiñlang toh u yoh ki ym duna 40% (32% ya ki SC/ ST).
Ya ka Form kawa da dep pyndep deilang wa ki kot ki sla wa emkaam toh u li e cha ka yung krehkaam ka Sub-Divisional School Education Officer (SDSEO), East Jaiñtia Hills District, Khliehriat.
Ki kot ki sla wa emkaam wow pyndait lang toh ki Mark Sheet/Report Card (Class-7), ar tylli ki dur Passport Size deiwa sap lang wa ka School Uniform, ka SC/ST/OBC Certificate, ki Disability Status Certificate (lada em) kiwa yoh na ki bor sorkar wa ka Parental Annual Income Certificate wa yoh na ki bor sorkar wa toh u leh yeini.
Ka tarik wa khaddooh wow pynpoi ya ki Form toh ha næ chwa ka 26-09-23.
Discussion about this post