Ka 3rd Division ka East Jaiñtia Hills District Football Association (EJHDFA) kawa da sdang nadooh ka 2 tarik uni u bnai wa em 42 tylli ki liang wa wan chimbynta da pteiñ ya ka ynne ka sngi da le tylli ki yalehke.
Ha ka yalehe wa nyngkong, ka Moosianglamare New da jop ko yaka Moopala SC da 2-1.
Ya ka Moosianglamare New da thap kool da u Firsterjoy Pariat haka minit wa 21, u Nangjop Nongtdu haka minit wa 38 katwa yaka Moopala da thap da u Phrangki Shadap haka minit wa 6.
Ka yalehke wa ar hapyrdi ka Cham Cham SC waka Tuber Chohchrieh da kut ko da 1-1.
Ka Cham Cham da yoh ko wow thap nyngkong lyngba u Raymon Phawa haka minit wa 16 katwa ka Tuber Chohchrieh da su kylliang ko lyngba u Salai Rymbai haka minit wa 39.
Ha ka yalehke wa le won, ka Wahsanphaw SSC da jop ko yaka Umlong United da 4-0 da ki kool wa thap u Karlin Lyngdoh haka minit wa 31, u Delight Lyngdoh haka minit wa 38 wa 46 wa u Mebantei Suchiang haka minit wa 78.
Ki yalehke u pteiñ ki ha kani ka 17 tarik hapyrdi ka da ka Khliehmyntriang SC waka Moopyniein SCSO heipor 10:00 waje i step, ka Umstain SC waka Bataw FC heipor 12:00 waje pyrdi sngi wei daw pynkut da ka Ratacherra SC waka Umrasiang Utd SC heipor 2:00 waje i sngi.
Discussion about this post