Wan pait ka Ampareen ya ka Pamrapaithlu PHC, dawa ka synjuk wow pynku kyrdan noh cha ka CHC

Ka Synjuk Dorbar Chnong yong ka Pamrapaithlu PHC wa kynthup ya ki 21 tylli ki chnong wa haap ha ka Pamrapaithlu PHC, ynne ka sngi da yoh laad ki wow pynsñiaw wei e dei thoh cha ka Dr. M. Ampareen Lyngdoh kawa man leh ka Montri wa pait ya ka chnat i chait i khiah heiwa da wan ko wow lai pait ya kani ka PHC kawa dang em chiboon i duna wa dang emkaam wow pynbiang khnang yow ye ko u chakri rap bha ya kiwa kjut wa chitom wa kiwa dooh wa duk.

Ha i thoh wa da e kti ha ka Montri da pynsñiaw ya chiboon ki mat dawa, kawi na kitæ wa rap hakhmat dooh toh wow pynku kyrdan noh ya kani ka PHC cha ka CHC neibhah wa da chakri ko ya 40,000 ngut ki bru wei kani ka PHC da yoh ko khlem duna ya 50 ngut kiwa kjut wa chitom ha ka OPD kiwa wan man-ka-sngi wei da em leh kamwa 20 ngut ki manbei wa punkhon wa wan kha khon man-u-bnai ha kani ka PHC  iwa da booh hei eh hadooh kattæ neidaw wym em ki kamra wa biang wa kyllooid.

Kani ka PHC da em ko leh du kawi ka Doctor iwa da booh hei eh wow pait wow sumaar ya kiwa kjut wa chitom, kamtæ da dawa wow pynyoh sa kawi ka Doctor khnang yow ye u e yei chakri wa i sumaar wa biang wa paka ya ki paidbah yong kani ka thaaiñ.

Kiwi de ki dawa toh wow pynyoh Ambulance da kawa thymme, u booh ya ka kor X-Ray, ka kor Ultrasound, wow pynboon chooh ya kiwa kreh kamjooh ki Nurse.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da dawa leh yow pynyoh ya ka yung wa biang ki kamra wow chong kiwa yang Doctor, ki Emergency Room, ka kamra kha khon, ka kamra booh tiar kamjooh ki tiar neibynta kiwa em HIV kiwa wan kha khon wa kiwi de.

Neiliang ka Dr. Ampareen Lyngdoh da pynsñiaw ko wa smat ko wow chimkhia ya ini i duna wei wow pynbiang ha kani ka PHC ha ki sngi wa daw wan chakhmat kamjooh wow bichaar bniah heiyatoh wa i pynku kyrdan cha ka CHC.

Kam wow kdaw heini wa katkam wa man kattæ, hapoh ka East Jaiñtia Hills District da em sa du kawi donhi ka CHC katæ toh ka Sutnga CHC hadien wa da pynku kyrdan noh ya ka Khliehriat CHC cha ka Civil Hospital, kamtæ da ong wa da chonghok sakhiat wow pynku kyrdan noh ya ka  Pamrapaithlu PHC cha ka CHC.

Ha ini i wan yooh kjat ka Dr. Ampareen Lyngdoh ha kani ka PHC da synranlang da u MDC ka Musniang Rangad, u Phasmon Dkhar uwa man leh kam u EM ka JHADC, u District Health & Medical Officer, EJHD, u Dr. D. Shylla, u ADC ka EJHD, u G. Warjri, chirup i emlang ka Dr. R. Suchiang M&HO, kiwa kreh kani ka PHC, Ki Waheh Chnong wa ki Secretary Chnong yong ki chnong wa haap ha kani ka PHC wa kiwi kiwi de.