T. 92 lak tam yoh yarap ki Village Organisation ka East Jaiñtia Hills

Ka Montri wa pait ya ka chnat i chait i chiah, ka Dr. Ampareen Lyngdoh ynnin da wan ko wow pynhær ya ka lama ka ri ha ka sngi lehkmen ya ka sngi yoh laitlooid ka ri ha Khliehriat, East Jaintia Hills District heiwa da em 22 tylli ki liang wa da chimbynta haka March Past wa kynthup ya ki pulit, ki NCC, ki Scouts & Guides wa ki khynnah na ki skur waphær waphær.

Ha kani ka lehkmen, neiliang ka Montri wa u Deputy Commissioner ka East Jaintia Hills District, u A. Baranwal da e khusnaam ki cha ki thaw sumaar wa da lehbha hapoh ka Kayakalp Award neibynta ka Exemplary Performance neibynta u snem 2022-23 wa da yoh ka Bataw PHC katwa ka Commendation Award da lai ko cha ka Pamra Paithlu PHC.

Ka Pamra Paithlu PHC da yoh ko leh yei naam Top Performing PHC ha East Jaiñtia Hills District hei pynkrehkaam yaka Meghalaya Health Insurance Scheme (MHIS) waka Ayushman Bharat Pradhan Mantri Jan Arogya Yojana(ABPM-JAY).

Ka Montri da pynkup burkom ko leh ya ka Previan Lapasam na ka chnong Sohkymphor yeiwa da man ko kam kawa yoh ya ka State Award kam ka Master Craftsman ka District. Da e leh ki Cheque yow yarap poisa cha ki SHG kam cha ka Swer D Family SHG ka Khliehriat East, ka Kynhunbaduk SHG ka chnong Latyrke, ka Iakhihlang Village Organizations (VO) ka chnong Dkhiah East waka Laidong Village Organization (VO) na chnong Narwan.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da pynbna leh ha kani ka yalang wa ka poisa kawa T. 92,82,500 da saam cha ki Village Organization (VO) ka District wei da pynlait leh ya ka ram kawa T. 1,03,50,000 cha ki 35 tylli ki Self Help Group (SHG) kiwa em hapoh ka District.

Ya ka khusnaam namo ka Award yeiwa pynkrehkaam bha dooh ya ka Mission Amrit Sarovar, 2023 yow pyneh pynsah ya ki um, da e cha ka Wahsarang VEC hapoha ka Wapung C&RD Block wa cha ka Myntriang VEC hapoh ka Saipung C&RD Block.

Ya kani ka lehkmen da pynwyrngia da ki chaad tynre, ki sur maya ri wa da e da kiwa boon ki skur ka District, da em leh i pynyoo Bike Stunt da ka Biker Association of Sutnga.

Ya ka March Past da jop da ka Morning Glory Secondary School, Ladrymbai, hei wa ar da yoh da ka Oxford Secondary School (Girls), Ladrymbai.

Da saam leh ya ki khusnaam cha kiwa wan pynwyrngia wei da em leh ka yalehbol hapyrdi ki Officers Club ka East Jaiñtia Hills District waka Khliehriat Bar Association ha madan ka East Jaintia District Sports Association Football Ground, Dienchynrum.

Da em leh i e sñiawbha cha ki khynnah wa em ha ki Children’s Home.