Ka 1st Tiger 5 Knockout Football Tournament wa pynman da ka Demthring Sport Club da sdang ko ynne ka sngi da ka yalehke wa da pynman hapyrdi ka We United FC pyrchah ya ka Mupyut Dongmihsngi heiwa ka We United da jop ko da 9-5.
Ya ki kool ka We United da thap da u Last Born Suting haka minit wa 2, 10 wa 11, u Kevin Rymbai haka minit wa 28, 44 wa 52, u Primrose Lamat haka minit wa 4 wa 58 wa u Poibiang Pohshna haka minit wa 22.
Ya ka Mupyut Dongmihsngi da thap kool lyngba u Dahun I Khyriem haka minit wa 5 wa 48, u Saimiki Khyriem haka minit wa 41 wa u Elas Phawa haka minit wa 50 wa 55.
Ya kani ka sngi wai pyrda da wan wow sakhi da u T. Ram Phawa, Waheh Chnong ka Ialong kam u kongsan.
Ka yalehke wa bood u pynman mynstep ka sngi hapyrdi ka Combined FC pyrchah yaka Angry Bird FC.
Discussion about this post