29 song ki kot poisa thok T. 500 yoh kem ki pulit na ki le ngut

I yakhun pyrchah ya ki poisa thok namo ka Fake Indian Currency Notes (FICN), da yoh kem da ka Special Task Force yong Assam Police ynne heiwa kiwa emkti kiwa da yoh kem toh ki le ngut kiwa na Krishnai, Goalpara District ka Assam.

Kini ki le ngut kynthup ki ya u Md. Anowar Hussain (52), u Md. Rafique Ahmed (47) wa u Md. Krowel Marak (35) kiwa na Krishnai, Goalpara District.

Ki pulit ka STF da mih ki na Guwahati wei heipor 1:00 waje i sngi da ksoh ya ka Maruti Alto wa em Number AS-18F-6863 ha chnong Krishnai wei da kem noh ya kini ki le ngut. 

Hawa kynreh da chem 29 song ki kot poisa T. 500, da chem leh ya 4 tylli ki Mobile Phone wei da e kti ya ki ha u Officer In-Charge ka Krishnai Police Station wow takit ya ki wei wow leh yeiwa emkaam.

Related posts

Kem ki pulit ya kiwa chna thok ya ki poisa nar da ki ₹20

November 1, 2026

Kem ki pulit ya ar ngut chirup wa i heroin wa chongdor Rs. 60 lak

October 31, 2026