2nd Division: Jop ka Lumpariat wei hap pynpep kawi won

Ka 2^nd Division ka West Jaiñtia District Sports Association (WJDSA) kawa tip leh kam ka 6^th Debo Shullai Memorial Trophy da pteiñ ya ka ynne ka sngi da ar tylli ki yalehke.

Ka yalehke wa nyngkong hapyrdi ka Dongmihsngi waka Chutwakhu da hap wow pyndep neidaw wa joor lyoh wei daw rah tarik won cha kawi ka sngi.

Ha ka yalehke wa ar, ka Lumpariat da jop ko yaka West Madan Mustem da 2-0 da ki kool wa thap u Mario Syndai haka minit wa 70 wa u Lovingstar Papiah (uwa da thap cha ka liang oo hi) haka minit wa 74.

Ki yalehke wa bood u pynman ha ka 25 tarik hapyrdi ka Chilliangraij waka NSA heipor 12:00 waje pyrdi wei daw pynbood da ka Mooknor Thadmuthlong waka Lion SC heipor 2:00 waje i sngi.