Ka Socio Economic Life Development (SELD) yong ka Jingiaseng Samla Nongkhlieh District, Sutnga Presbytery ha ka 23 tarik uni u bnai da pynman ko ya ka 7th Khulu Malang Memorial Football Tournament 2023 ha ka Balang Presbyterian Shnongrim, East Jaiñtia Hills.
Da wan wai ya kani ka lympung da u M. Sutnga, Principal Sutnga Presbyterian Higher Secondary School kam u kongsan hei emlang u F.S. Bareh kam u symbood kongsan wei da yoh leh i klam pdiang burom da u Rev. S. Langstang, Pastor In-Charge katwa ya ki kyntien e khublei da yoh na u H.R. Sutnga, Treasurer.
Kiwa chimbynta haka yalehbol ha kani ka sngi sdang, neiliang ki chynrang toh ka J.S. Balang Daistong pyrchah ya ka J.S. Balang Bamkhosngi wa da jop da ka Daistong da 3-0.
Da pynbood da ka J.S. Balang Tongseng pyrchah ya ka J.S. Balang Chnong Thymme wa da jop da ka Chnong Thymme da 1-0.
Ha ki yong ki kynthai won da jop ka Bamkhosngi ya ka Tongseng da 4-3 deiwa yachut Tie-Breaker katwa ka Daistong da jop suk ko ya ka Shnongrim ka wym em poi cha ka yalehke.
Kiwa yoh nyngkong wa kiwa yoh wa ar daw chah jied ki yow chimbynta haka kyrdan Presbytery.
Discussion about this post