Lehkmen ka West Jaiñtia Hills ya ka National Sports Day da ki yalehke yong tynre

Kam chibynta ka National Sports Day 2023, ki bor District ka West Jaiñtia Hills District da pynman ki da ki yakob tynre wa kynthup ya ka Yataan Tylle waka Dat Mookheiñ ha Kiang Nangbah Stadium, Jowai ynne ka sngi.

Ha kani ka sngi da wan wow chimbynta da 8 tylli ki skur na chnong Jowai wa kiwa najan wa kynthup ya ka Government Boys’ Higher Secondary School, ka H.K. Singh Memorial Secondary School,  ka Tome Memorial Secondary School, ka Tpep-Pale Secondary School, ka RC Evening Secondary School, ka Jaiñtia Higher Secondary School, ka Q.C. Springside Higher Secondary School waka Seiñraij Higher Secondary School.

Ha ka Dat Mookheiñ ki chynrang da yoh nyngkong da ka Seiñraij Higher Secondary School, wa ar ka Government Boys’ Higher Secondary School wei hei wa le da yoh ka Tpep-Pale Secondary School.

Ha ka Dat Mookheiñ ki kynthai da yoh nyngkong ka Tome Memorial Secondary School, wa ar ka Seiñraij Higher Secondary School wei hei wa le da yoh ka Tpep-Pale School.

Related posts

Sdang ka 4th T20 Cricket Tournament ha Ummulong

January 10, 2026

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

Ha ka Yataan Tylle ki chynrang da yoh nyngkong ka Jaiñtia Higher Secondary School, wa ar ka Seiñraij Higher Secondary School wei hei wa le da yoh ka Q.C. Springside Higher Secondary School.

Ha ka Yataan Tylle ki kynthai won da yoh nyngkong da ka Seiñriaj Higher Secondary School, wa ar ka Q.C. Springside Higher Secondary School wei hei wa le won ka Tome Memorial Secondary School.