Du nei sñiawthooh bakla poi chei chah pynbaad wa mut u rah ya ka khynnah skur

Heiyatoh wa i chah pynbaad ki ar ngut ynnin wa thmu ki wow rah ya kawi ka khynnah wa dang chong Class KG ha Laitumkhrah Presbyterian Higher Secondary School, Shillong, neiliang u SP (City), East Khasi Hills da pyntip u wa ini toh du i sñiawthooh bakla donhi.

Da pyntip wa kini ki ar ngut kiwa da mih dur ha ki khubor da wan mih ki cha Laitumkhrah Police Station ynne ka sngi hadien wa yoo ki yei mih khubor deiwa chah pynbaad wa thmu ki wow rahbor ya kani ka khynnah.

Hawa takit ki pulit ya kini da ong ki wa wan thooh skur ki ya ka pyrsa ki kawa chong Class KG wei da khana ki yei pyrtuid ko deiwa jooh khut siñ ki ka heithaw wow khana yei pyrtuid tre kani ka khynnah.

Tangwa da jia wa hapoh kani ka Class KG leh da em kawi ka khynnah wa em pyrtuid tre kam i pyrtuid siñ ka khynnah wa wan thooh kini ki bru wei heini da mih i sñiawthooh bakla wa kawa sikai kini ki khynnah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ki pulit da dep phah wan ki leh ya ki bei ki pa yong waroh ar kini ki khynnah deilang wa u Principal kamjooh kawa sikai skur heiwa da ye u ya pynbait ya ini heiwa waroh ini toh du nei ya sñiawthooh bakla donhi.