Ki yalehke ka 7th Invitation Wahiajer Football Tournament 2023 wa pynlai da ka Wahiajer Sports Club ha Wahiajer da pteiñ biang ynne deiwa sdang ya ka Quarter Final.
Ha kani ka Quarter Final wa nyngkong, ka Sikai FC da jop ko yaka Mawryngkneng Mission da 4-2 deiwa yachut Tie-Breaker hadien wa kut ka yalehke da 1-1 hadooh wa kut i por.
Ka Mawryngkneng Mission da yoh ko u thap kool nyngkong haka minit wa 12 lyngba u Ledrik War katwa ka Sikai da yoh ko su kylliang ha ka kylla miet ha ka minit wa 65 lyngba u Guiding Suna.
Ha kani ka sngi yei naam Man of the Match da yoh rah da uwa yang kool ka Sikai FC, u Edison Suna.
Ka yakhun Quater Final wa bood u pynman ha kani ka 31 tarik hapyrdi ka Thadlaskein Veterans waka MLP Football Team heipor 2:00 waje i sngi.
Discussion about this post