Ka yung krehkaam ka District School Education Officer West Jaiñtia Hills District ha ka 25 tarik uni u bnai da pynman ko yaka District Level Students Science Seminar 2023 ha Jowai RMSA Secondary School hajrong ka phang “Millets – A super food or a diet fad?”.
Haka yalang tbian yong kani ka Seminar, ka M. Lakiang, District Mission Coordinator SSA West Jaiñtia Hills da man ko kam ka kongsan heiwa da yoh i klam pdiang na u D. Syngkon, District Science Supervisor O/o District School Education Officer West Jaiñtia, i klam naka R. Syrti, Assistant Teacher Government Girls Higher Secondary School Jowai, naka C.P. Suting, Assistant Technology Manager ATMA wa i klam naka Gifty Grace Sumer ka khynnah skur yong ka Jowai Presbyterian Higher Secondary School.
Ha kani ka yakob, ka Syiem Jingsuk Higher Secondary School Amlarem wa mihkhmat daka Nyllashisha Pohsngap da yoh rah ko yei naam jop, hei wa ar da yoh ka Government Girls’ Higher Secondary School Jowai wa mihkhmat daka Geliloth Nazarene S Khyndiah wei hei wa le won da yoh ka Sohkha Government Higher Secondary School Sohkha wa mihkhmat da u Nangkhrawkibor Khonglah.
Discussion about this post