Ka Meghalaya Cements Limited (Topcem) ha ka kyrwoh wa da phah ynne ka sngi da paan maap ki ya ki kyntien wa da pynemkaam da kiwa kreh ki heipor wa pynman ya ka Public Hearing ha ka 24 tarik uni u bnai.
Da ong ki wa ha ini i por wa jia ki pulit dang beh ki ya ki paidbah wa wan pyrchah wei ki pulit da leh ki yei kaam yong ki katkam wa hukum da ki heh pulit tangwa ha ini i por da em ar ngut kiwa kreh yong ki kiwa da pynemkaam da ki kyntien wym sñiawsuk ki wym ye u pdiang da ka Company.
Ki bor pynlai ka Topcem da pyntip ki wa da chimkhia bha ki yeini wei da beh kreh (Suspend) ki ya kini ki ar ngut chisyndon wei ki bor pynlai ka Topcem sa chisien da paan maap ko na waroh kiwa chong chnong kani ka thaw ya ini i rukom leh kiwa kreh.
Da kular ki leh wa ka Meghalaya Cements Limited toh kawa kreh yow wanrah yei suk i saaiñ wei wow em leh i thaw kreh wa chngaaiñ ya waroh kiwa kreh kamjooh ki jan chnong kiwa emyatoh waka Company wei da kular ki leh wa kam ini ym jia de i neini chakhmat.
Discussion about this post