Na ki heh ka Topcem phah ka JSU wow beh ya ki ar ngut napoh ka jylla

Ka JSU ynne ka sngi da yachem ko ya u DC ka East Jaiñtia Hills District wa ki heh ka Topcem wow dawa u beh chisiendon ya ki ar ngut wa pynchit  ya ki pulit wow sympat wei wow dat ya ki paidbah ha ka 24 tarik uni u bnai heipor wa man Public Hearing kani ka karkhana.

Ki heh ka JSU da hiar ki leh wow yachem ya ki heh ka karkhana Topcem ha Thangskai wei da dawa ymtoh du wow beh chipor namo wow Suspend ya kini ki ar ngut kiwa kreh tang wow beh noh ya ki napoh ka jylla Meghalaya khnang wow lait na i jia wa sñiawsih.

ADVERTISEMENT

Ka seiñ da maham ko leh ya kini ki heh ka Topcem wa lada dang booh ya kini ki ar ngut hapoh ka Company, daw mih i sñiawsih wa i yaphær jaitbru hapoh ka jylla wei ka seiñ da ong ko wa lada jia kam ini hapoh ka jylla, ka Topcem hap ko wow bahkhlieh wei lada ym leh ko yeini, daw leh da ka seiñ wow beh ya kini na Meghalaya.

Neiliang ki heh ka karkhana da mynjur wei da phah ki cha ki bor wa hajrong ka karkhana wow leh yeiwa emkaam heiwa ka seiñ da ong ko wa ka Company hap ko wow pyntikna wa ya ini i dawa lym kwah ka Company wow maad yei eh. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang u DC ka East Jaiñtia Hills leh da kular u wow thoh cha ka Home and Political Department wow beh chisiendon ya kini na ka jylla.