Chah pynbaad wa tba kti DC wa u pulit ya uwi uwa yah kari ha Lumshnong

U DC ka East Jaiñtia Hills District u Abhilash Baranwal ynne da chah pynbaad u wa oo deilang wa u pulit (PSO) wa lai lang wa oo da tba kti ki ya uwi uwa yah kari Bolero Pick-up iwa da jia ha Lumshnong.

Ini da jia i heipor wa joor i sahkut kari heiwa uwa yah kari Pick-up da ong u wa oo da lai u neiliang yong oo ka sarok katwa ka kari u DC da wan ko napyrdi wei da phah kyrriah ya oo da u pulit wa wanlang wa u DC wei ha itæ i por da chah tba kti u ha uni pulit hadooh wa da mih snaam u.

Hawa yoh u yaklam wa u DC da ong u wa oo leh da hiar u napoh ka kari yow pyn jai-jai ya ini wa jia tangwa da em ki bru kiwa em heini i thaw kiwa da chong chit wei oo hi kam u DC ym em tba kti u ya uwon uwon wei daw pyntip chooh chooh u yeini wa jia manda yoh u yaklam wa uni u pulit wa emlang wa oo.