Na u Sniawbhalang dawa ka chnong Lapangap wow rah ya ki pulit Meghalaya chajan ka Police Camp ka Assam

Ki bor pynlai chnong ka Lapangap hadien wa ini wa dep da lai yachem ki ya u DC wa SP ka West Jaiñtia Hills, ynne da lai yachem ki sa ya u Symbood Montri Rangbah ka jylla, u Sniawbhalang Dhar ha kamra krehkaam u ha Shillong.

Neiliang ka chnong da dawa ko na u Sniawbhalang wow rah ya ki pulit wa da em hapoh ka chnong cha Moopyrdet Pynthor Lapangap yow rap jan ki cha ki pulit ka Assam kiwa da wan ha ka 26 tarik uni u bnai wow booh ya ka Police Camp ha i bynta wa dang haap hapoh ka chnong.

Da pyntip cha u Symbood Montri Rangbah wa kani ka thaw wa em ki pulit ka Assam toh ka pynthor thaw rep kiwa chong chnong wei nadooh wa em kini ki pulit ym em de man chngaaiñ ya kiwa chong chnong ka Lapangap wow lai rep ki kamtæ bha wow booh noh ya ki pulit ka Meghalaya leh cha kani ka pynthor hajan ki pulit ka Assam.

Neiliang ka dorbar chnong da pyntip ko leh yei wan ki Kari wow phut wei leh pynsih ya ki tre dieñ kamwa 5000 tylli wa da thung ka chnong kiwa da yoh naka Meghalaya Basin Development Authority.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da pyntip wa i em kini ki pulit ka Assam daw pynchlur ko leh ya ki Karbi wow leh ki kaam wow pynsy’ir ya kiwa chong chnong wei daw yoh laad chooh chooh ki wow leh pynshih yei thung i tep kiwa chong chnong.

Neiliang u Symbood Montri Rangbah da pyntip u wa ka sorkar da dep ko wow pynbait wow chong yachem hapoh ka sorkar mynstep yow yaklam ya ini i kaam.

Puræ leh: I wan booh Police Camp ka Assam hapoh u pood ka Lapangap da pynsyier ko ya kiwa chong chnong