Sdang kohngooh ki Truck wa kit palatpood ya u moochuni: EJLSA

Hadien wa ka seiñ kawa tip kam ka East Jaintia Limestone Supplier Association (EJLSA) haka 29 tarik u Naisaphra da phah pynhaap ko ya ki Truck Dumper wa kit palatpood ya u moochuni uwa da kit na ki paar moo wa em ha Lumshnong yow lai pynhaap cha Assam, ka seiñ da pyntip ko wa ha kini ki sngi da sdang kohngooh kini ki kari.

Ka seiñ hawa phah pynhaap ya ki moo wa da kit palatpood da ong ko wa u moochuni man-i-por da haap ki cha rood wei da booh ko hei maa ya kiwa lai wa wan wei heijooh i por kini ki Truck da kit ki ya palat ka 21 Ton kamwa da booh ha ka Challan.

Ka seiñ da pynsñiaw ko leh yei kmen wa da jop ini i thmu yong ka heiwa kini kiwa yah Truck da mynjur ki wym kit de ki palatpood neini chakhmat.

Neiliang ka seiñ da maham ko leh wa lada chem ko wa dang em kiwa kit palatpood, kiwa pynkheiñ aiñ, daw daiñ kuna ko naphang.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Chooh chooh da ong wa i thmu yong ka seiñ toh yow pynsuk yei lai i wan ki paidbah, ki khynnah skur wei wow lait nei sahkut kari wei kamjooh leh i smat sih u sarok NH6 nadooh na Lumshnong cha Malidor wei wow yada leh yaka yingkieñ Sonapur.

Kamtæ da kyntu ya kiwa chong chnong, ki paidbah wow ya ksohkti lang waka seiñ neibynta i bha i mait ka imlang sahlang.

Ka kyrwoh na u President ka seiñ, u Loveyou Bareh uwa man leh kam u Waheh Chnong ka Pyrtakuna.

Puræ leh: Phah pynhaap ka EJLSA ya ki Truck wa kit moochuni palatpood