Ha ka 1 tarik uni u bnai, da yoh wow pynman ya ka yalehke Games & Sport kam chibynta ka lehkmen Youth Week Celebration yong ka Jingiaseng Samla Bataw District, PCI wa da pynman da ka Social & Youth Development Committee (SYDC) ha ka Balang Pynurkba.
Da wan wow ya chimbynta da waroh ki Jingiaseng Samla hapoh ka District chynrang wa kynthai heiwa u kongsan ha kani ka sngi toh u Dilip Rymbai, Balang Khliehriat deiwa emlang u Rev. K.S. Basaiawmoit, Chairman, u TBn. E. Rymbai, Secretary, u B. Rymbai deilang wa ki dkhot ka SYDC.
Ha ka yakob yalehbol, da rah da ka Jingiaseng Samla Balang Umsatai deiwa pynrem ya ka Jingiaseng Samla Balang Lama.
Ha ka yataan tylle da rah da ka Jingiaseng Samla Balang Umlyngsha deiwa jop ya ka Jingiaseng Samla Balang Bataw.
Ha ka yakob phet pyllah 200 Meter, da yoh nyngkong ka Pynsngiat Shadong (J/S Balang Lakadong), hei wa ar da yoh ka Mercify Bareh (J/S Balang Ladwahwapung ) wei hei wa le da yoh ka Wanbiang Dkhar (J/S Balang Ladwahwapung).
Kani ka sngi da man ko kawa chongchit wei kawa sahkynmoo ya waroh ki khon khynroo ka District.
Discussion about this post