Ka kot PHASES wa thoh da ka Rupda RY Lato, da pynlait paidbah ya ka ynne ka sngi da u Chibor Najiar, Superintending Engineer (PHE) Rural Division, Shillong ha ka yalang wa pynman ha Yungwalieh ka Panaliar, Jowai hei pynlai u Riquoma Rq. Laloo wa man u pa yong kawa thoh, heiwa da e u ki kyntien yahkhmat chaphang ka Rupda.
Da khana u yei ka-it yong ka u thoh nadooh dang khynnah, heiwa dadep pynmih ko ya kawi ka kot wa pyrtuid Lie & Lost.
Da yoh leh i ngoohblai na u Wanbi Laloo katwa ya ki kyntien e khublei da e u Nikerda Laloo Lato.
Ka Rupda hei klam tbian yong ka ong ko i por toh iwa kordor tam wei emkaam wow pynemkaam hok ki yoh u ye u pyndep ya iwon iwon iwa da mang.
Ong haroh ko hei manbru em i hiar em leh i ku, em i wymtoh wei em leh i watoh, kamtæ tyllung i por hei manbru. Kyntu ko wow chim ya iwon iwon iwa toh wei wa bha tam.
Neiliang u kongsan, u Chibor Najiar da ong u, “Kat ya ka Essay donhi heipor lai skur u thoh leh sñiaw chem chitom hadooh kattæ kattæ wei katwon tam da ka kot ka wow puræ waroh ka pyrthai katni ha ka juk Social Media wei da man i iwa eh hadooh kattæ kattæ”.
Neitæ i daw da yaroh u ya ka Rupda wa man sakhiat ko kawa em i sap wa kyrpang wei pynemkaam sakhiat ko yeini ymtoh du hei thoh kot, em ko ka sap wow ya chimbynta haroh cha ka yakob miat kynthai.
Ong u leh wa ha i duna bha ki kynthai wa mih chakhmat ha kiwon kiwon ki kaam, khamtam heiyatoh i thoh hei puræ. Kamtæ kyntu u ya waroh wym hoi ha wa lai skur u thrang du kat ya ki kaam sorkar bait; ka sap wa da em toh u pynemkaam ya ka, yoh ko u pynmih nong won ya ka mynried.
U pa yong kawa thoh da khana u wa kani ka yalang man haroh ko kawi na ki laad pynchlur næ u pynku ya i lai ya chimbynta ka Rupda cha ri Turkey kam kawa jop ya ka Rubaru Miss India Elite 2023. Da e u ya i kyrkhu kyrdoh yoh ko u nang tia chaphrang khamtam wow lai yakob ko ya ka Miss Aura International 2023. Da pynbna haroh u wa ya kani ka kot ye phi u yoh na ki dukan Online kam naka Amazon wa Flipkart.
Discussion about this post