U thung kreh ka sorkar 509 ngut kiwa sikai College kam chibynta i pynkrehkaam ya ka NEP

U Montri ka chnat puræ puthi ha ka jylla, u Rakkam A Sangma da ong u wa lada ym pynkrehkaam ya ka National Education Policy, 2020 katni, ki khynnah puræ ka jylla daw sahdien ki.

Da ong u wa lada pteiñ bait ya ka puræ Degree du 3 snem kamwa jooh leh, ki khynroo khyllood ka jylla daw chem chitom ki lada kwah ki wow lai puræ chooh chooh rap hajrong neibhah kiwi ki jylla da lai i puræ katkam ka NEP wa thymme.

Da pynrap u wa hadien wa bichaar bniah ya kam kini kiyi kiyi, ka jylla sñiaw emkaam bha ko wow rai u lai pynkrehkaam ya ka NEP.

Heiyatoh wa i em ki thaw puræ namo ki College ha ka jylla ki wym pu hikai ya ki lynnong thymme katkam ka NEP, da ong u wa ka sorkar ieh ko ha i stat kiwa pynlai ya kini ki thaw puræ.

Da ong chooh chooh u wa hadooh katni ka sorkar ympu yoh ko iwon iwon i ood na kiwa pynlai ya ki thaw puræ wei ki Principal tip ki rap bniah lada em iwon iwon i eh.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

U Rakkam da ong u leh wa ka National Education Policy, 2020 toh ka Policy ka sorkar pyrdi, wei ha Meghalaya awjan waroh ki College kiwa yakdoh wa ka NEHU da pynkrehkaam ki ya ka NEP.

Da ong u wow pynbiang ya iwa emkaam katkam ka NEP, neiliang ka sorkar jylla ha ki ar snem wa da dep da mang ko 509 tylli ki Sanctioned Post yong kiwa sikai College neibynta 20 tylli ki College sorkar.