Ka seiñ JSU ynne ka sngi da thoh ko cha ka Montri ka sorkar jylla wa pait ya ka chnat i chait i khiah, ka Dr. Amapreen Lyngdoh wow dawa pyndam ya i pyrtuid uwi na ki baar jylla uwa pynemkaam bakla ya ka Certificate wa e ka chnong wow yoh lai puræ MBBS na ka State Quota wei neiliang ka Montri da ong ko wow chimkhia ya ini i kaam.
Ka seiñ da chem ko wa em uwi na kiwa yoh bhah kyrpang wow lai puræ MBBS naka State Quota ka jylla Meghalaya deiwa pynemkaam bakla ya ini wow yoh myntoi samen wow lai puræ khlem lut poisa u wei uni u khynnah da pynemkaam u da ka Certificate chnong wow kam kam uwa chong chnong wa pura ka chnong Thangskai, East Jaiñtia wei ka bei wa u pa u toh kiwa kreh hapoh karkhana pynmih khyndaw-bilat wa em ha kani ka thaaiñ wei ka Residence Certificate kawa da yoh u toh kawa chipor (Temporary) donhi wei kawa krehkaam du 6 bnai donhi.
Neiliang ka seiñ da yaklam ko wa u Waheh Chnong ka Thangskai, u Phai Syrti wei da kubur u wa pynemkaam bakla ya ka Certificate wei neiliang ka seiñ da dawa ko wow pyndam ya kani ka Certificate wei hap ka chnong wow leh yeiwa emkaam yow lait nei pynemkaam bakla ki baar jylla ya ki Certificate.
Ka JSU da dawa ko na ki bor wa toh u pait ya ka chnat puræ MBBS wa kiwi kiwi ki jait puræ wow pait bniah ya ki kot ki sla boi em wa pynemkaam bakla ya ki da ki dkhar wa chong chnong.
Uni uwa yoh ya ka bhah lai puræ hapoh ka Open Category uwa na East Jaiñtia Hills toh uwa tip kam u Ayush Kumar wei uni toh uwa em ka Birth Certificate na Bihar, ka kot pyndep ya ka CBSE na Rajasthan katwa ka PRC won toh kawa da yoh na ka yung krehkaam u DC ka East Jaiñtia Hills deiwa pynemkaam ya ka Temporary Residential Certificate wa yoh na ka chnong Thangskai.
Puræ leh: Pynbiang sabut ka KSU yow dawa pyndam yei pyrtuid kiwa chah jied lai puræ MBBS
Discussion about this post