Ka seiñ FKJGP War Jaiñtia Circle da pynsñiaw ko yei sñiawngooh wa khroo yei chimkhia ka chnat PWD (Roads) Jowai Central Division hadien wa kyrpaad ki bor chnong ya ka seiñ wa emkaam wow dawa booh Speed Breaker ha u sarok NH40(E) ha Lad Japlem wa ha Amlatdoh, Amlarem.
Ka seiñ ha u Khonchonglad (Nov) 2022 da lai ko kow wow yachem markhmat wei da e dorkhat ha u Executive Engineer PWD Roads Jowai Central Division yow dawa wow booh ya kini ki Speed Breaker.
Kamtæ ha ka 4 tarik uni u bnai neiliang ka chnat PWD da lai ki wow pyndait ya kini ki Speed Breaker ha waroh ar tylli kitai ki thaw.
Kini ki thaw toh kiwa pynhær kari bha ki bru wei da booh hei maa ya kiwa chong chnong khamtam ya ki khynnah skur.
Ka seiñ da e khublei kyrpang ko leh ya u E.E. PWD (Roads) Jowai Central Division, u M. Tang, u SDO, u H.Pakynteiñ wa u J.E., u S. Challam.
Puræ leh: Dawa ka FKJGP wow booh Speed Breaker
Discussion about this post