U khmi wa khlanbor 6.8 ha ka Richter Scale da khih u ynnin hapoh ka ri Morocco heiwa da em hadooh 2000 ngut kiwa yap wa palat 2000 ngut kiwa mynsoo ha ini i thaw i wym toh iwa jooh chah ktah ha u khmi khamtam ha ka thaaiñ sep sngi kani ka ri ha ki thaw wa em ki loom Atlas wei uni u khmi toh uwa da khih heipor 11:11 i miet ha i por yong kani ka ri.
Uni u khmi toh uwa sdang hajan i chnong Oukaïmedene iwa jngai kamwa 75 Km na Marrakech iwa man i chnong wa ka-it bha kiwa uiñke suwari wei neidaw wym em yillu i khih uni u khmi uwa du 18.5 Km chapoh khyndaw da em boon ki yung wa oor wei da khih u leh ha ki thaw wa boon ki bru wa sah.
Ha ini i thaw ym em jooh khih u khmi wa joor nadooh u snem 1900.
Ha ki thaw wa joor bha chah ktah ha uni u khmi awjan waroh ki yung da pra lut ki wei ki luti ki syngkieñ leh da chah ktah lut ki iwa da pynchem chitom bha ya ka sorkar wow lai e yarap wei kamjooh wow thooh ya kiwa dang im kiwa da sahkut cha ban hapoh ki yung ki sem.
Ka chnong Marrakech toh kawa em boon ki yung kiwa da rim da jah kiwa wei em ko boon ki UNESCO Heritage Site kam ka Kutubiya Mosque kawa em ya u Minaret wa jrong 69 Meter uwa da tip leh kam u Roof of Marrakech uwa da kylloh heipor wa khih uni u khmi.
Ki bru wa boon da thiah ki leh cha lait nei tieñ boi ya khih biang u khmi.
Discussion about this post