Ka yung krehkaam ka Nehru Yuva Kendra Sangathan, Shillong da pyntip ko wa ka 2 tarik u Naichiphaw man ko ka lyngkhooh sngikha u Mahatma Gandhi deilang wa u Lal Bahadur Shastri kiwa man ki arngut kiwa yahkhmat wa khroo ka ri wei kam chibynta wow leh warom ya ki daw pynman ya ka lehkmen da ka Parliamentary Research and Training Institute for Democracies (PRIDE), Lok Sabha hapoh Parliament ha ka 02-10-23.
Kam chibynta ini daw jied ya 25 ngut ki khynroo na ki NYKS wei daw em leh kiwa daw chah jied yow yoh laad ki wow klam hajrong ki kaam wa da leh da u Mahatma Gandhi wa u Lal Bahadur Shastri.
Neibynta ki khynroo ka Meghalaya da jied ya ka phang wa toh u klam ki kawa ong kamni, “Lal Bahadur Shastri- His life lessons and legacy in Amritkaal.”
Kitu kiwa da dep wow chimbynta ha ki PRIDE kiwa nachwa kam ka Know Your Leaders, Homage to National Leaders, Floral Tribute to National Leaders ha Parliament wei kamjooh kitu kiwa da chibynta ha ka National Youth Parliament Festival ha Central Hall, Parliament wa pynman da ka Department of Youth Affairs ym chah de wow chimbynta ki.
Kamtæ ka NYK Shillong hajrong wow jied ya kiwa stat u klam, da e laad ko ya ki khynroo khyllood wow phah ki ya ka Video wa 3 minit wa klam ki hajrong ka phang “Lal Bahadur Shastri- His life lessons and legacy in Amritkaal” neibynta waroh ki District ka Meghalaya wei ya kini ki Video daw bichaar ha ka 17-09-23 wei ka tarik wa khaddooh wow pynpoi ya kini ki Video toh ha ka 15-09-23.
Ya kini ki Video ye wow phah ha kini ha wah:
Ya kiwa na East Khasi Hills, West Khasi Hills, South West Khasi Hills, Eastern West Khasi Hills, Ri Bhoi, West Jaintia Hills wa East Jaintia Hills District ye ki wow phah yei Video lyngba u WhatsApp ha u 9436304866, i yong u D. Rapsang, DD NYKS.
Kiwa na West Garo Hills, East Garo Hills, South Garo Hills,North Garo Hills wa South West Garo Hills District ye ki wow phah yei Video ki lyngba u WhatsApp ha u 8837208480 iwa man i yong ka Linda B.K. Sangma, DD NYKS.
Discussion about this post