Yang ka sorkar yei jubab ka HNLC hajrong kattu katni ki mat chwa wow lai chaphrang i klam yasuk

U Montri Rangbah ka jylla, u Conrad Kongal Sangma u da ong u wa ka sorkar da phah ktien ko cha ki heh ka Hynniewtrep National Liberation Council (HNLC) lyngba ki ksiang, neibhah ka sorkar leh da booh ko ya ki kattu katni ki mat, deiwa pynrap wa katni dang yang yei e ktien næ jubab na ki heh kani ka seiñ.

Da ong u wa hadien wa da sdang lai chaphrang i klam yasuk da mih leh i sñiawkhia ya ki kattu katni ki bynta wa da pynsñiaw da ka sorkar wa da ka HNLC wei neiliang waroh arliang dang em ki hei ya pynbait.

Heiyatoh wa ka Case wa da pynngat da ka NIA ya ki heh kiwa hakhmat ka HNLC, u Conrad da ong u wa man ko ka Case warim wei ymtoh ka Case wa ujor da ka sorkar jylla tangwa da leh da ka sorkar pyrdi wei ya ini da pyntip leh cha ki heh ka seiñ.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

U Conrad da ong chooh chooh u wa katwa dang lai chaphrang i yaklam daw em boon ki bynta wa ki kyndon wei kamjooh i klam iwa mih na waroh le liang, itæ na ka sorkar pyrdi, sorkar jylla wa ka HNLC wei ya ini waroh dang pynbait pitit kammon wow ye u lai chaphrang wow ye u klam yasuk. Da pynrap leh wa emkaam u pynche na waroh kiwa embynta ha i klam yasuk.