Da sdang ya ka Ayushman Bhava Campaign ka wow yarap ya waroh manda chitom

Ka Ayushman Bhava Campaign da pynbna wa da sdang ya ka da ka President ka ri, ka Draupadi Murmu ha kylleiñ ka ri heiwa u Montri Rangbah ka jylla, u Conrad K Sangma da embynta u ha State Convention Centre hei emlang ka Montri ka chnat i khiah, ka Ampareen Lyngdoh wa kiwi kiwi.

Kani ka Campaign toh wow e chakri ha i chait i khiah cha waroh wot cha ki thaw wa jngai luti dooh hapoh ka ri.

U Conrad K Sangma, da ong u wa ym myntoi wow klam ya i roi i paar lada ym biang i chait i khiah ha ki thaw palatsor. 

Da ong u wa i chait i khiah ymtoh du i kaamram ka sorkar tangwa na ki bru samen wa ki manyung deiwa man kiwa lehkhooid, da yaroh u leh ya ki Village Health Councils neibhah kam ka imlang sahlang emkaam i ya kam kini ki Council. Da pynbna u leh Rs. 20,000 cha ki VHC kiwa kreh bha khnang wow kyrchaan ya ki.  

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Chooh chooh da ong u wa ka mang tangka ka sorkar man ko kawa kongsan bha ha i chait i khiah deiwa e yarap poisa chiboon ya ka chnat i chait i khiah. 

U Conrad da kdaw u ya i pynku kyrdan ya ki thaw sumaar nadooh ki Sub-Centre, CHC, PHC wa ki District Hospital deiwa ong wa ini toh iwa chimkhia ka sorkar kamjooh yow pyndooh leh yeiwa ktah ya kini ki thaw sumaar kam i wym biang um, ka bordiñ, ki dawai, kiwa kreh, ki kor wa kiwi kiwi.

U Montri Rangbah da pynlait u leh ya ka Village Health Council-IEC Book, Register wei da wai u ya ka VHC App wei da saam khusnaam u leh cha kiwa lehbha ha ka VHC, TB wa MHIS.

I sdang ya ka Ayushman Bhava Campaign man ko leh kam chibynta ka Seva Pakhwada (Service Fortnight) kawa nadooh u 17 tarik uni u Naikhynde hadooh ka 2 tarik u Naichiphaw wow wan. 

Ka Ayushman Bhava toh ka satri hapoh ka Ayushman Apke Dwar 3.0 heiwa daw e ya ki Ayushman Card cha kiwa toh hok wow yoh myntoi kamjooh leh u pynman ya ka Ayushman Mela man ka tayaaw ha ki AB-HWC wa ha ki Community Health Centre (CHC) waka Ayushman Sabha ha ki chnong ki thaw. Wei daw e leh cha ki 60,000 tylli ki Ayushman Bharat card.

Hapoh ka Ayushman Bhava Scheme sa kawi ka thong toh wow e ya ka sumaar sukhær ka wym sy’at ha waroh kawi ka ri wei daw e mynkna leh yei bai pait Doctor wa i sumaar ya kitu wa joor i chitom kamjooh i yarap poisa manda thiah Hospital, manda chah pooid wa kiwi kiwi.

Kani ka Scheme man ko leh ya waroh khlem da pait yei mahajon næ dooh, kiwa khian hadooh ki heh wei daw yarap kyrpang ya kitu ki wym biang i yoh i laa wow thied dawai.

Hapoh kani da ye leh wow leh ya ki Online Registration yong kiwa chah sumaar, ka Telemedicine Service, ka Ambulance dei mynkna najrong ki dawai wa mynkna ha ki thaw sumaar sorkar.

Kamtæ ka sorkar da pynchlur ko ya ki paidbah wow chim kabu ya kani ka Scheme wei heijooh i por wow im deiwa chait wa khiah wei wow wan pynyoo tista cha ki Doctor kamjooh wow chim yei tika neibynta ki khynnah.