Lehkmen ka BAM yei dap 3 snem deiwa pynthymme leh ya kiwa ksoh kaam

Ka Bouncers Association of Meghalaya (BAM) Jaiñtia Hills ha ka 14 tarik uni u bnai da lehkmen ko yei dap 3 snem pura i lai luti ko u chakri ya ki paidbah neibynta u e yada namo ka Security haki rukom waphær waphær katkam i emkam la heiyatoh ki kaam paidbah næ ya ki bru samen, wei ya kani ka lehkmen da pynman ha Bosco Pnar, Jowai.

Da wan emlang ha kani ka sngi da u Officer In-charge ka Jowai Police Station, u S. Mannar kam u kongsan wa u Iahmioo Khyriem, Principal Khad-Ar Daloi Law College Jowai kam u symbood kongsan.

U kongsan hawa klam da pynsñiaw u i kmen wow yoo yei em kam kini ki bru wada e kti ya idæ neibynta u e yada.

Katkam wa yah i por ong u da emkaam sakhiat hi u em kam kini ki Private Security neibhah em ki khep wa ki bor pulit leh wym joh bor ki katkam i dawa i emkaam kiwa pynlai ya ki yalang ki tamasa waphær waphær.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Wei i em ka BAM da man i kyrkhu neibynta i chngaaiñ ki paidbah, heijooh i por yarap ki leh ya ki chnat pulit u e yada haki yalang waphær waphær.

Kamtæ kyntu u wow pteiñ ki yei man kiwa emakor khnang wa kiwi u bood nongmuna ki.

U symbood kongsan u Iahmioo Khyriem ngait skem u wow man ki kam kitæ kiwa e yada wa yoh chaniah lyngba i akor wa bha wei sñiaw khian, wei kyntu haroh u wow man ki bru wa im heitæ i rukom wa kiwi u khana parom ki deiwa bha pateiñ la pateiñ.

Ha kani ka sngi da saam leh yaka Award Best Discipline, Sports Person wei da e Award leh cha u Junestar Kharbuli, President BAM Central Body Shillong.

Neitæ da pymbaam smai leh ya kiwa ksoh kam thymme ka BAM Jaiñtia Hills da u Junestar Kharbuli President BAM Central Body Shillong.

Da pynchongchit chooh chooh ya kani ka sngi dei rwai i chaad wei pynyoo dohksah naki dkhot ka seiñ kynthai wa chynrang kiwa ya chimbynta haka yakob Mr. Ironman Amateur Championship 2023 kawa pynman dang ini wa dep ha Jowai.

Ki dkhot ka BAM Jaiñtia Hills kiwa da pynskem neibynta u snem 2023-24 man ki kamni

U Yoosar Kynjing- President

U Ram Passah- Working President

U Bakhraw Kupar Sumer- Asst. Vice President

U J Lonel Passah- General Secretary

U Jasmin Dkhar- Asst. General Secretary

U Wandame Hi Kynjing- Publicity Secretary

Kiwa ksohkaam ka Women’s Wing:

Ka Corita Lagbang- President

Ka Samhaka Dkhar- Working President

Ka Lasubon Shadap- Vice President

Ka Rihokmika Sumer- General Secretary

Ka Jenefar Lyngdoh- Assistant General Secretary