Na u Prestone dawa ka KSU EJHDU wow kyrriah ya ki BSF wa em ha Sonapyrdi ha u sarokbah

Ka Khasi Students’ Union (KSU) East Jaiñtia Hills District Unit, ynne da yachem ko wa u Symbood Montri Rangbah uwa pait leh ya ka chnat Kaam Pohyung, u Prestone Tynsong yow dawa kyrriah noh ya ka ki BSF Camp wa em ha Sonapyrdi, Ratacherra, Hingaria kiwa da pynwit pynthut ya kiwa chong chnong katai ka thaaiñ deiwa kynreh ya ki tre chnong wei jrong kti ki ya ki khynnah kynthai wei kini ki chipai ka BSF da man ki kam ki moochynthut ya ki paidbah.

Neiliang u KS Suchiang, General Secretary KSU EJHDU da pynsñiaw u yei lyngngoh wa ki BSF kammon u em ki ha u National Highway iwa da pyndik ya ki paidbah kiwa lai wa yieñ wa kiwa kit mar.

Neiliang won u Wanlam Lamin Gadew, President KSU Huroi da khana u wa ki BSF da em ki ha katai ka thaw la kamwa 5-6 snem wei ha ki snem wa da dep da ktah kti ki khlem daw ya ki khynnah skur wei da jooh kynreh ki leh ya ki kari kamai kiwa lai lyngba katai ka thaw lakam ki kari wa chong kiwa leh pyrchah aiñ.

Chooh chooh da ong u wa katai ka thaw wa ki chipai BSF da booh ki ya ka ktem toh ka yong ki bru samen heiwa da chong ki pyrchah aiñ khlem da yoh bor na ki bor ka chnong.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Neiliang u Symbood Montri Rangbah da kular u ha kiwa yahkhmat KSU wow yaklam wa u SP ka East Jaiñtia Hills wei da phylla u leh kammon em da ki BSF ha National Highway.

Ka seiñ da dawa ko leh wow booh sa kawi ka Anti-Infiltration Check Gate ha Tongseng wow kynreh ya ki bru wa ya ki nong Bangladeshi kiwa wan psiah pyrchah aiñ cha ka jylla wow chong u sah khlem da em ki kot ki sla wa biang.

Da dawa leh wow booh ya ka Traffic Branch ha East Jaiñtia Hills.