Yoh u psiah ki bru kiwa na baar chapoh Hostel ka NEHU yow pyneh yeiwa khian iwa jia

Kiwa yahkhmat ka North Eastern Hill University Students’ Union (NEHUSU) da pynsñiaw ki yei sñiawkhia wei da beiñ ki leh yei yoh psiah ki bru kiwa na baar kani ka skurbah hadooh wow lai chapoh ki kamra ka Hostel wei wow leh pynsih ya ki kari wa ki thuk-thuk wa em hajan ka Hostel.

Neiliang kiwa yahkhmat ka NEHUSU ynne ka sngi da lai ki wow yachem wa u Vice Chancellor ka NEHU, u Prof. Prabha Shankar Shukla yow yaklam hajrong i kulmar wa da mih ynnin i miet ka 18 tarik ha Hostel ki chynrang kiwa lai puræ ha kani ka skurbah.

U Vice President NEHUSU, u Easterson Sohtun da ong u wa i daw yong i huri hura wa da mih ynnin i miet toh du na ki daw wa khian iwa da mih nei wym ya sñiawthooh hapyrdi kiwa lai puræ iwa da pynman wow mih i yachoh yadat.

Tangwa da pynsñiaw u leh yei sñiawkhia wa da em leh ki bru kiwa na baar kiwa da yoh u psiah ha ki kamra Hostel wei da emkit ki wow tympiah ya ki kari wei wow leh pynsih ya ki kari ar chaka wot wow taar ya ka kot Register na khyrdop wa da jooh thoh ya ki Number kari chwa wow psiah ki chapoh pchem kani ka Hostel.

Related posts

Chah tooh biang sa kawi ka Scooty na pchem yung ha Jowai

February 4, 2026

Chah kem u Police Inspector wa baam poisa na u hehspah deiwa maham

January 31, 2026

Neiliang ka NEHUSU da beiñ joor ko yei leh bru khloo yong ki bru kiwa na baar wow pynboodnaam ya kani ka skurbah.

Kam wow kdaw heini wa ynnin i miet heipor kamwa 9-10 waje da mih i kulmar ha Rangira Hostel ha ka kamra Number 19 yong ki khynnah chynrang ka skurbah NEHU wei ha kani ka kulmar da ya yachoh yadat wei da mynsoo 4 ngut wei da em leh i tympiah yit ki khiandwar najrong wa chah tba leh ki kari wa em hajan kani ka Hostel.