Kyrchaan ka Seng Samla Shnong Umkiang yei yakhih ka KSU-EJHDU hajrong u sarok NH-6

Ka Seng Samla Shnong Umkiang (SSSU) East Jaiñtia Hills da e ko yei kyrchaan wa pura ya waroh ki seiñ khamtam ya ka Khasi Student Union-East Jaiñtia Hills District Unit kawa da yahkhmat wow yakhih hajrong i sih wa cha palatpood yong u sarok NH-6.

Hajrong ini i bynta, ka SSSU leh sñiawkhia ko hadooh kattæ kattæ yei sih uni u sarok iwa nadooh na Tuber Chohchrieh chadooh Malidor iwa da ktah ya ki paidbah wa lai lyngba uni u sarok kiwa da chem jynjar khamtam heipor ba wa kjut wa chitom yow poi cha ki thaw wa e sumaar deiwa jhan.

Tangwa i leh wym bna wym chimkhia ka NHAI waka sorkar wow pynchna ya uni u sarok da booh ko ya ki paidbah wa boon wa lang ha i eh hadooh kattæ kattæ.

Kamtæ neiliang yong ka SSSU da e ko yei kyrchaan wa pura yaka ka KSU-EJHDU heiyatoh wa ini i yakhih, da ong ka kyrwoh na u President ka Seng Samla Shnong Umkiang, u Ellend Mynthlu.