Kyrchaan sa ka seiñ kiwa kamai kari Tourist yei yakhih dawa pynchna ya u NH-6

Ka seiñ kiwa kamai kari wa tip kam ka Tourist Taxi Drivers and Tourist Taxi Association Ladrymbai To Kalain Badarpur Association da e ko yei kyrchaan wa pura ya ka seiñ KSU-East Jaiñtia Hills District Unit kawa daw pynman ha ka 25 tarik uni u bnai.

Kani ka yakhih wa da dep pynbna toh deiwa ya thiah ha sarok ha Khliehriat kam ka dak wow pyrchah yei wym chimkhia ka NHAI wow pynchna ya u sarok NH-6 nadooh na Chohchrieh hadooh Malidor uwa da sih la phrai.

I daw hi wa kyrchaan yong ka seiñ toh neidaw wa joor sih uni u sarok uwa man kam u budloom ka khayi pateiñ wei da ktah leh yei lai luti na Ladrymbai chadooh Kalain wa kiwi de ki thaw.