Ki kattu katni man tre ki yeiwa boon i thaw katwa kiwa dooh tang i thaw chna yung leh ym yoh ki: Renikton

U Renikton Lyngdoh Tongkhar, MLA ka Mawkrwat hawa chibynta u yaklam hajrong ka Resolution wa da wanrah da u MLA ka Nongkrem, u Ardent Basaiawmoit uwa da ong wa em boon kiwa tyngkheiñ ya ka aiñ “Meghalaya Transfer of Land Regulation Act, 1972”, da ong u wa i hok wow man tre yei thaw toh iwa da e da u Blai cha kiwa dooh wa duk.

Da ong u wa waroh kiwa dooh wa duk toh u yoh thaw ki yow chna yung neibhah ha kiwa boon ki chnong wa em cha palatsor tang i thaw wow chna yung leh ym yoh ki hadien wa da yoh ki ya ka Scheme naka sorkar pyrdi wow chna yung.

Heijooh i por da ong u wa em won ki bru kiwa em chiboon i thaw ha sor wa kamjooh cha palatsor wei da toh u em ka aiñ yow khanglaad ya ki bru wow thied thaw chiboon palat yeiwa ye ki u pynemkaam.

Neibhah da ong u wa kini ki bru manda thied thaw ki da iwa heh wa heh, da pynemkaam ki du 10% na ini i thaw katwa iwa tam won da ieh khlem da pynemkaam wei ini da pynsepai i wei da emkaam ka aiñ wa manda thied toh u pynemkaam ki wei ka sorkar manda Register yei thaw toh u booh kyndon ko yow khana iyi u pynemkaam yei thaw ki lada yow rep, u pynman kam ki thaw uiñke suwari wa kiwi kiwi de yow ye leh ka sorkar wow yoh nong.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

“Kiwa boon ki thaw ha Meghalaya toh kiwa khlem pynemkaam wei lada thooh bniah daw chem wa ki tre toh du ki kattu katni donhi kat chawa lai ha Meghalaya katwa kiwa dooh kiwa emkaam yei thaw wa khian leh ym yoh ki wot yow rep leh,” da ong u Renikton.

Da ong u leh wa ki bru yong i ymtoh kiwa swe tangwa ileh ya ki mar baam da hap wow wanrah na baar jylla, i daw toh wym yoh thaw rep ki warep yong i.

Kamtæ da ong u wa ka sorkar toh u pyntikna ko wa kiwa dooh wa duk u yoh ki i thaw wow chna yung wei ki warep leh u yoh thaw rep ki.

Heiyatoh won wa ki kaam pynroi da ong u wa nadooh wow chna sarok, u pynyoh umkor, u pynpoi bordiñ da chem chitom neidaw wym yoh thaw wei neiliang yong oo da thap u wow tuklar yow yoh thaw yow pynhun ya ki tre thaw wow e thaw yow chna sarok tangwa em ki por ki tre thaw ym e thaw ki hadooh wa da ktah ya kiwa boon kiwa chong chnong wei da emkaam leh ya ka aiñ wow pait yeini yow pyntikna wa yoh sarok, yoh umkor wei yoh bordiñ neibhah hadooh ka sorkar leh ym em bor ko manda jia kamni.

Hajrong ini da ong u wa da emkaam bha wow yaklam yeini wei wow wanrah da ka aiñ yow lait u chah ktah ki kaam pynroi.