Daw pait chwa kam kawon ka ‘Legal Notice’ wa phah u Henry, ong u Mukul

U MLA ka Trinamool Congress uwa man leh u Montri Rangbah warim ka Meghalaya, u Dr. Mukul Sangma da ong u wa daw pait chwa ya ka ka ‘Legal Notice’ wa da phah da u Henry Lalremsanga, wei da ong u leh daw pait ha kiwon ki kyndon aiñ wa da phah ya katæ ka ‘Notice’.

U Henry Lalremsanga lyngba u muktiar yong oo da phah ki da ka ‘Legal Notice’ cha u Dr. Mukul Sangma wei ha katai ka ‘Legal Notice’ da dawa wa u Dr. Mukul hap u wow su ya ka bai pynbood naam yei pyrtuid kawa Rs. 20 klur najrong wow paan maap hapoh 7 sngi hajrong i pynbaad ya u Henry hapoh ka yung dorbar chna aiñ yong ka Meghalaya wa oo toh u ‘Drug Kingpin’ namo u snar khayi drugs lym kamtæ daw lai chakhmat da ka mukotduma.

Hawa kylli hajrong ini i dawa yong uni uwa khayi ka Mizoram, neiliang u Dr. Mukul da ong u wa ym pu klam iyi iyi hadooh wa da yoo ya ka ‘Legal Notice’, wei pynrap u wa em ki kyndon hapoh ka riti synchaar yong ka ri kiwa e laad ya ki MLA wa ki MP yei ka hok wow klam laitlooid hapoh ka yung dorbar chna aiñ.

U MLA ka TMC na Songsak da ong u wa iyi wa klam u hapoh ka yung dorbar man ko deiwa chim neiwa thoh ha kawi ka laad pathai khubor wei da kdaw u leh ya ki tarik katkam wa da thoh.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Kam wow kdaw heini wa ka Clause (2) yong ka Article 194, da ong ko wa ym ye wow chah taan cha ka aiñ næ cha ka yung bichaar ya uwon uwon u MLA hajrong iwon iwon wa da klam næ jied u wow leh hapoh ka yung dorbar chna aiñ næ ha kawon kawon ka Committee, wei ym em uwon uwon wa ye u pynkitkhlieh ya iwon iwon i pynbna næ pynmih da næ hapoh i bor yong ka yung dorbar ya kawon kawon ka Report, ka kot, ki Vote næ i rukom pynlai.