Lai e FIR ka Panaliar pyrchah ya ka Jaiñtia Fishing & Environment Protection Association

Ka Dorbar Chnong Panaliar ynne da lai ujor ko da ka FIR ha Jowai Police Station pyrchah ya ka Jaiñtia Fishing & Environment Protection Association (JFEPA) deiwa ong wa ka JFEPA da kam ko wa pait sumaar ko ya chibynta ka wah Myntdu ha i thaw wa tip kam i Syntu Ksiar iwa dang haap hapoh ka chnong Panaliar deiwa pynman ya kani ka thaw kam ka Syntu Ksiar Fish Sanctuary wei da dep paan NOC ko leh naka chnong yow leh ya ki kaam yong ka ha kani ka Fish Sanctuary ha ka 18-07-13.

Kani ka NOC toh kawa da kut nadooh u snem 2016 tangwa kani ka Association da pteiñ ko wow leh yei kaam yong ka pyrchah ya ka aiñ khlem da yoh NOC de na ka chnong.

Da ong leh wa ka JFEPA ym du wa krehkaam ko pyrchah ya ka aiñ tangwa lyngba u President wa u Secretary da pynthut ki yei suk i saaiñ deiwa khanglaad wow leh ya ki kaam ka chnong kam i lai pynkhooid ya kani ka Fish Sanctuary iwa da jooh myllien wow leh nadooh ki por wa nachwa.

Kamtæ da kyntu ya ki pulit wow kem ya kini ki bru kiwa da emkti ha ini wow khang ya ki dkhot ka chnong wow leh yei kaam yong ki wei wow pynchitom leh ya ki heh ka JFEPA.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Ka Dorbar Chnong Panaliar da lai pyntip ko leh yeini cha u DC ka West Jaiñtia Hills District wa ka JFEPA da pynthut ko yei suk i saaiñ wei da dawa na u DC wow khang yei pynman Fishing Competition kani ka seiñ ha ka 23 tarik yow ye u pynneh yei suk i saaiñ.

Neiliang u DC da phah u ya ka chithi cha u President ka JFEPA wym toh u pynman ya ka Fishing Competition ha ki bynta wa dang haap hapoh ka chnong Panaliar.