Ka 1st U-18 Sumer Knockout Football Tournament 2023 da sdang ya ka ha ka 22 tarik ha madonbol ka Samasi wei ya kani ka Tournament da pynlai da ka Sumer Socio Culture Sports Education & Entertainment Development Society hei ya krehlang waka AMS Entrepreneur Multipurpose Cooperative Society Ltd.
Da wan wow wai pyrda ya kani ka lympung yalehbol da u Wanlang Lamurong kam u kongsan katwa u Khmihlynti Manar, Acting Dolloi ka Elaka Sumer da man u kam u symbood kongsan.
Da yoh leh yei klam na kiwa kitkaam ka Society wa kynthup na u President wa u Secretary kiwa da e yei sneiñ i khroo ya ki khon khynroo kiwa ya chimbynta ha kani ka lympung yow man ki kiwa kheiñkor yei por wei yei yalehke Sport wa man kam i dawai bah waka spah yaki khon khynroo wei man ko leh ka laad wow yarap yoh u kamai ja-kpoh.
Ha ka yalehke wa da sdang heipor 12:30 chiteiñ sngi, ka Lakasein FC da jop ko yaka Mynthning FC da 2-0.
Hei janmiet da pteiñ yei yalehke da ka Samasi FC waka Shyrwang FC kawa da kut da 1-1 wei da rai ya kiwa jop deiwa yachut Tie-Breaker heiwa ka Samasi FC da ko da 4-3.
Discussion about this post