Chah pynkup burom ki SHG wa ki VO ka San Shnong CLF Multi-purpose Co-operative Society

Ka San Shnong Cluster Level Federation Multi-purpose Co-operative Society ha ka 22 tarik da pynman ko ya ka Annual General Meeting ha Dong Pyrdi Community Hall, Mukhaialong, East Jaiñtia Hills District heiwa u Deputy Commissioner, East Jaiñtia Hills District, u A. Baranwal da man u kam u kongsan hei emlang u Block Development Officer, Wapung C&RD Block, u T. Shylla, u Chief Operating Officer, Meghalaya State Rural Livelihoods Society (MSRLS), u R. Kynta, u President ka Raij Tuber, u H. Phawa, u District Mission Manager, u K. Slong, ki chnat ki Voluntary Organization (VO), ki Self Help Group (SHG) wa kiwi kiwi.

U DC hei klam yong oo da pynsñiaw u yei sñiawkmen wow em ha kani ka yalang deilang wa ki SHG kiwa da pynku ya i yoh i laa ka imlang sahlang.

Da ong u wa ka sorkar jylla kwah ko wow pynkupbor ya ki SHG deiwa yaroh ya ka San Shnong Cluster Level Federation Co-operative Society kawa da kreh chitom wa ki chnat sorkar deiwa kular leh wa ki bor District u yarap ko katwa ye ya ki. Da ban u leh yeiwa emkaam u e sikai ya ki dkhot ki SHG neibynta i bha i miat yong ki.

U Chief Operating Officer, Meghalaya State Rural Livelihood Society (MSRLS), u R. Kynta, da khana u ya ka parom ki SHG ha ka jylla wei kammon myntoi ki paidbah deiwa em ki SHG khamtam i pynkrehkaam ya ka NRLM ha Meghalaya nadooh u 2014 heiwa ki SHG da ku cha 45,000 tylli, ki VO 5500 tylli wa 87 tylli ki CLF ha ka jylla.  

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U President ka Seiñraij Tuber, u H. Phawa, da ong u wa i kreh ki SHG da pynmyntoi ko ya kiwa boon khamtam hei yoh khih yoh kreh ki bru khamtam ya ki kynthai.

Ha kani ka sngi da pynchongchit ya ka yalang da i rwai i chaad na ka Seilung VO, ka Mukhaialong Iakyntulang VO wa naka Pynthorsale VO.

Da saam leh ya ki Award cha ki VO wa kreh bha dooh wa ki SHG hapoh ka CLF heiwa ka Iakyntulang VO da yoh ko ya i naam Best VO yeiwa ye u leh 100% ka Bank Linkage, ka Nangkiewshaphrang VO kam ka Best VO kawa kreh bha ya i chait i khiah ki manbei wa ki khynnah waka Iaidchaphrang SHG kam ka Best SHG wow boh yukheiñ namo ka Proper Maintenance of Books of Accounts.

Kam wow kdaw heini ka San Shnong Cluster Level Federation, da sdang ya ka ha ka 22 tarik u Kmaichonglad (Dec) 2021 wei katni em ko 8 tylli ki VO hapoh yong ka, 162 tylli ki SHG wa 1509 ngut ki dkhot.  

Kiwi kiwa da klam kynthup ki ya ka President ka San Shnong CLF, ka B. Dkhar, ka Secretary San Shnong CLF, ka Nadona Dkhar waka Vice-President, San Shnong CLF, ka I. Phawa.