Pynman ka NYKS Jowai yei pynlang ya u khoo wa i khyndaw na ki yung ki sem ki bru

Ka National Youth Volunteer (NYV) ka Nehru Yuva Kendra Sanagathan, Jowai da pynman ko yaka District wa Block Level ka Meri Maati Mera Desh (Phase-2) yow lai pynlang khoo wa i khyndaw na ki yung ki sem wa em ha ki chnong wa cha palatsor ka Ri-loom Jaiñtia.

Ya ini da sdang nadooh ka 1 tarik uni u bnai wei daw pynkut ka ha ka 30 tarik uni hi u bnai.

Ka yung krehkaam ka Nehru Yuva Kendra Sangathan da chimbynta ko ha kani kam chibynta i pynkut yei lehkmen dap 75 snem i yoh laitlooid ka ri India kawa tip kam ka Azadi Ka Amrit Mahotsav.

Ka Meri Maati Mera Desh toh yow lehkmen ya kiwa boon ki moomær wa da poi ka ri wei kamjooh yow leh warom ya ki chlur mynsien wow yada ya ka ri wei ya kani ka lehkmen daw pynman ha ki chnong, ki Block, ki jylla wa ha ki kyrdan ka ri.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam chibynta wow pynchlur yow leh yeini ka sorkar da sdang ko yaka Website https://merimaatimeradesh.gov.in heiwa ki paidbah ye ki wow Upload yei dur wa ksoh lang ki yei khyndaw ha kti næ deiwa ksoh ya ka lanten wa da chna dei khyndaw.

Deiwa leh yeini man ko leh wow chim yei kular wow bood ya ki Panch Pran wa kynthup yow pynku ya ka ri, u pyndooh yei rukom pyrkhat kam heipor wa man broo, u sñiaw sarong yei yong idæ, u wanrah yei yatylli, u em i kitkhlieh kam kiwa chong chnong wei wow burom ya kiwa yada ya ka ri.