U muktiar uwa na East Jaiñtia Hills District uwa da yaleh leh ya ka mukotduma PIL ha ka Meghalaya High Court yow dawa pynchna noh ya u sarok NH-6, u Kynjaimon Amse ynne da wan u wow chimbynta ha ka yakhih wa da pynman da ka KSU-East Jaiñtia Hills District Unit ha Khliehriat deiwa chong kyllaiñ myngngor wei thiah sarok.
Hawa klam ha kani ka yakhih, da ong u wa sñiawsih u yoo wa duna kiwa da wan chakhmat yow chimbynta hei yakhih neibhah hawa pait yei yaklam ki bru ha WhatsApp, Facebook wa Instagram te waroh ki No.1 kiwa daw wan wow ya chimbynta yow dawa pynyoh ya u sarok uwa bha.
Kamtæ da ong u wa ini i wym ya tylli ki bru yong i da yoh laad ka sorkar wow lehbeiñ.
Da khana u leh wa da dep u wow leh da ka RTI wei da chem u wa ka NHAI da yoh ko Rs. 100 klur na ki Toll Plaza tangwa yow chna sarok won da pynlut ki T. 2-3 klur wei kiwa chna sarok leh toh kiwa rah da ka belcha wei ym yoo da ki kari ki kor.
Chooh chooh da ong u wa da dep Phone u cha ki heh ka NHAI yow phah bru yow wan cha kani ka yakhih yow yoh yaklam tangwa tang uwi leh ym em wa rap Phone.
Da beiñ u leh ya ki sahep sorkar wa ki wym em tang uwi leh wa wan cha kani ka yakhih deiwa ong wa heipor wa man Public Hearing chi sngi chwa ki pulit wa ki heh sorkar da lai sah ki cha Star Cement.
Kamtæ da khut u ya ki paidbah wow e ki yei ya krehlang hawa pynman ya kam kini ki yakhih kiwa neibynta i bha i miat yong waroh.
Discussion about this post