U Prime Minister ka ri, u Narendra Modi ynne da chimbynta u deiwa e yei klam ha ka Rozgar Mela wei da saam u leh 51,000 tylli ki chithi thung kreh lyngba ka Video Conferencing.
Hapoh ka jylla Meghalaya ya kini ki chithi thung kreh da wan saam da u Minister of State ka Minority Affairs, u John Barla uwa da chimbynta ha ka Rozgar Mela wa da pynman ha Shillong heiwa ya kini ki chithi da saam hadien i klam u Prime Minister.
Ha Shillong kiwa dang yoh kreh thymme da em ki 293 ngut ha ki chnat Department of Posts, Food Corporation of India, Ministry of Health and Family Welfare, North Eastern Electric Power Corporation Limited, Ministry of Education waka Ministry of Defence.
Na kini da em ki 126 ngut kiwa da yoh u kreh hapoh ka jylla Meghalaya.
U John Barla da ong u wa u Prime Minister da phah u wow e kreh ya 10 lak ngut ki bru ha kini ki chi snem chiteiñ wow wan.
Yow pynsuk ya kiwa lehkreh, ka sorkar pyrdi da dep ko wow phah pyndam yei leh Attestation ya ki kot ki sla wei da pyndam leh ya ka Interview kam ha ki kreh Group-D Level Post.
Kawi na kiwa yoh kreh, ka Audrey Liza Malngiang kawa na Shillong da pynsñiaw ko yei kmen deiwa ong wa sñiaw kamwa da yoh yei kyrkhu wow yoh u embynta ha kani ka Rozgar Mela wei da e khublei ko ya u Prime Minister wa da e laad u wow kreh ya ka sorkar India. Ka Audrey da yoh kreh ko hapoh ka Department of Post kam ka Gramin Dak Sevaks-Assistant Branch Postmaster.
Discussion about this post