Ieh noh u Sufiyan A Hazarika yei man kam u Vice Chairman ka HNLC

U Sainkupar Nongtraw uwa man kam u General Secretary cum Publicity Secretary ka HNLC da pyntip u wa u Sufiyan A Hazarika uwa tip leh kam u Manbhalang Jyrwa, Vice Chairman da e u ya ka chithi yow ieh noh yei kaam deiwa mih noh napoh ka seiñ wei da pdiang ko yeini.

Neiliang ka Central Executive Committee ka seiñ da thung ko ya u Teimiki Laloo kam u Vice Chairman wa thymme neibynta ki 6 bnai.

Ka HNCL da ong ko wa ini i mih noh u Jyrwa naka seiñ ym ktah ko yei bor wa ki yurim wa ksoh ka seiñ. Chooh chooh da ong wa ki yurim ym kylla i hanla kylla uwa yahkhmat.

Kamtæ da kyrmen wa u paaid ka Ynñiawtrep u burom ki ya u Manbhalang Jyrwa kam u para bru.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

Ha iwi won i liang, ka seiñ da kyrmen ko wa ka sorkar ym chim kabu ko yeini i mih noh u Manbhalang tangwa toh u chimkhia yei yaklam yasuk. Da ong leh wa ini i mih u Jyrwa ym pynthut ko yei klam yasuk.

Yow lai chakhmat da pyntip wa ya kani ka yaklam yasuk daw yah luti da u Vice Chairman wa thymme, u Teimiki Laloo.