Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da pyndep ya ka yalehke Semi Final ynne ka sngi.
Kani ka yakhun Final wa khaddooh toh kawa da pynman hapyrdi ka Mooknor Thadmuthlong waka Shangpung Khliehmuchut.
Ka Khliehmuchut da yoh ko wow thap kool nyngkong pyn ha ka minit wa 6 lyngba u A. Lamare heiwa ka Mooknor da ye ko wow su kylliang haka minit wa 30 lyngba u Iohi Dhar wei da kut ka kylla step da 1-1.
Ha ka kylla miet ka Mooknor da yoh ko wow thap haka minit wa 73 lyngba u Rimiki Suchiang wei ka Khliehmuchut ym ye de ko wow su kylliang, kamtæ ka Mooknor da jop ko da 2-1.
Ka Final kattu u pynman hapyrdi ka Chutwakhu waka Mooknor Thadmuthlong ha ka 2 tarik u Naichiphaw heipor 1:00 waje i sngi.
Discussion about this post