Ka H.K. Singh Memorial Secondary School, Jowai kawa mihkhmat ya ka Meghalaya cha ka U-14 Sub Junior Boys ka 62nd International Subroto Cup Football Tournament 2023 kawa da sdang ynne ka sngi ha Bengaluru da yoh ko yei jop yaka Sainik School da 3-0.
Kiwa yalehke ka H.K. Singh da pynyoo ki yei sap yong ki wow toor chakhmat kamjooh wow yada ya ka bol ha ka kylla step kamjooh ka kylla miet heiwa ka bol ha kiwa boon ki por toh kawa neh ha ki kjat kiwa yalehke ka Meghalaya.
Ya ka kool wa nyngkong da thap da u Serene Dkhar haka minit wa 14 wei da ban sa kawi da u Markatjuh Shylla haka minit wa 25 uwa da chim kabu yei rukom pynlait bol uwa yang kool ka Sainik yow pynyoh ya ka kool wa ar chwa wow kut ka kylla step.
Ha ka kylla miet ka Meghalaya da chah pyndam ar tylli ki kool wa thap ko neidaw wa Offside uwa yalehke tangwa haka minit wa 44 chwa u kut ka yalehke, u Serene Dkhar da thap biang u sa chi kool deiwa chim kabu yei wym ye uwa yang kool ka Sainik u ksoh skem ya ka bol ha kti.
Ka Meghalaya kattu u yachem ko waka KVS mynstep ka 2 tarik heipor 7:00 waje i step.
Discussion about this post