Hadien wa u Fr. Ferdinand Dkhar uwa da em 59 snem i rta da chah jied u kam u Bishop wa pura ka Jowai Diocese nadooh ka 8 tarik u Naiynñiaw heipor wa dang man u kam u Administrator ka Jowai Diocese, ynne ka sngi won da pyndep yaka lehñiam pynkyntang ya oo ha Church of the Holy Spirit Parish Ummulong, deiwa wan sakhi lang ki phaw hajar ngut ki paaid wa ngait na kylleiñ ka jylla.
Da wan sakhi lang nadooh u Montri Rangbah ka jylla, u Conrad K Sangma, u Symbood Montri Rangbah u Sñiawbhalang Dhar, u MP ka Lok Sabha u Vincent H Pala wa kiwi ki Montri sorkar wa kynthup ya u Kyrmen Shylla, u Comingone Ymbon, u A.L.Hek, ki MLA kam ka Santa Mary Shylla, u Pius Marweiñ wa kiwi najrong ki MDC ka JHADC wa kiwa chah khut sñiawbha.
Ha kani ka sngi pynkyntang, u Most Rev. Victor Lyngdoh, Archbishop yong ka Jylla Niam Shillong da man u kam u kongsan uwa da chim leh yaka bynta pynkyntang deiwa emlang ki Co-Consecrator kam u Most Rev. John Moolachira DD, Archbishop Guwahati, u Most Rev. Dominic Lumon DD, Archbishop ka Imphal deiwa emlang u His Excellency Leopolda Girelli, Apolostic Nuncio cha India wa Nepal.
Heipor chiteiñ sngi da pynman leh ya ka lehniam Sacrament heiwa u Bishop Ferdinand Dkhar da kyrkhu kyrdoh u ya ki paaid wa wan lumlang chakhmat.
Discussion about this post