Ka 1st Division 2023 ka East Jaiñtia Hills District Football Association (EJHDFA) ynne da poi ko cha ka sngi wa phra deiwa pynman biang ar tylli ki yalehke.
Ka yalehke wa nyngkong hapyrdi ka Pamra Paithlu SC waka Rymbai Pohskur SC da kut ko da 0-0.
Ha ka yalehke wa ar, ka Byndihati SC da jop ko da 1-0 yaka Lumputhoi SC da ka kool wa thap u Kyrshan Nongtdu ha ka minit wa 59 wei ini da man leh ka sien wa ar wa jop ka Byndihati ha kani ka 1st Division.
Ki yalehke wa bood u pynman ha ka 5 tarik hapyrdi ka Mukhaialong SCSC waka Wahiajer NYSSC heipor 12:00 waje pyrdi sngi wei daw pynbood da ka Tpepswer SSWO waka Rangad SC heipor 2:30 i sngi.
Discussion about this post