Da ki hajar ngut wa wan cha ka yakob khwe wa pynman da u Perit Lyngdoh

U Perit Lyngdoh deilang waka West Jaintia Fishing & Multipurpose Association hei sien wa le ha uni u snem da pynman biang ki ya ka yakob khwe dakha kawa dapoi waroh Rs. 65,50,000 ka song poisa ha ka 3 tarik uni u bnai haka nan u Maiat Muksor kawa em ha Mynsngat Mootha.

Kamwa ha kiwi ki por wa da pynman ya kani ka yakob khwe, ha kani ka kynti leh da wan da ki hajar ngut kiwa da tam 3000 ngut wei da man ko kawa lai bait lai ryntih.

Ya ka 1^st Prize kawa Rs. 5,00,000 da yoh da ka dakha wa khia 2.444 Kg, ka 2^nd Prize kawa Rs. 3,00,000 da yoh da ka dakha kawa khia 2.366 Kg katwa ka 3^rd Prize kawa Rs. 2,00,000 da yoh da ka dakha kawa khia 2.150 Kg.

Da saam leh ya ki Prize kiwa mar Rs. 1,00,000 kawi kiwa em 45 tylli, 10 tylli ki Rs. 50,000 neitæ kawi ka Rs. 30,000 wa kawi ka Rs. 20,000 wei da saam leh 20 tylli ki Consolation Prize kiwa mar Rs. 10,000 kawi.

Rah u Eveningstar Phawa yei naam jop ha ka yakob chaad ka JWAM

March 24, 2026

Da ka Fete deilang ka Bumper Housie pynman ka Khliehmyntriang yow pynmih poisa ya ka LP School ka chnong

March 19, 2026

Neiliang u Perit Lyngdoh da e khublei u ya ki paidbah kiwa da wan pyn chongchit ya kani ka yakob khwe heiwa da man ko kawa miat wa bha wei kawa lai bait wei da e khublei u leh ya ka chnong Mynsngat wa ya u Maiat Muksor kiwa da e bait ya ka kti timun tidiang yong ki.